Menu
HELBURUA: Gure kultur aniztasunaren emari oparoa ezagutaraztea du helburu.
HARTZAILEAK: Lehen Hezkuntzako 6-10 urte bitarteko ikasleak (LH1, LH2, LH3 eta LH4) eta beraien gurasoak.
IRAUPENA: 3 hilabete eta astean saio bat. Guztira 20 saio
EDUKIAK: Hilabetean kultur gai bat abiapuntu hartuz, egun haurrentzako egiten den gure kultur aniztasunaren transmisioa egingo dugu. Haurrentzako ikuskizunak (ipuin kontaketa ilustratuak, antzerkiak, musikalak eta zirkua), kantagintza, musika tresnak eta dantzak ezagutuz. Beti ere, gure kulturak beste kulturetatik jaso dituenak, beste kulturetatik dituen antzekotasunak, eta bihurtu den kultur anitz eta gaurkotua azalaraziz.
METODOLOGIA: Gure kulturaren emari diren eta haurren egunerokoaren parte diren sormen lan, kanta, musika doinu, dantzetaz baliatuz, sormen prozesua lorez-lore sortzen joango gara. Metodologia parte hartzailea, elkarlanekoa, komunikazio handikoa eta guztiz inklusiboa izango da. Haurren gurasoak ere inplikatzen ditugu beraiek ere euskal kulturaren aniztasuna bultzatzeko.
SORMEN LANA: Grafiti baten aurkezpen musikatu dantzatua. Haurrek amestutako murala, grafitero batek egi bihurtuko du. Horrez gain, aurkezpenerako, musika, dantza eta zirkoa jarriko diote.
