LORALDIA ESKOLA (II): 7 KANTU 7 LUR 7 KONEXIO
Euskal Kantagintzaren Transmisioaz
Lauro Ikastola
Gabriel Arestik kontatzen zigun harrizko herri izatetik, hirietako burdinazko herri izatera igaro ginela; gerora, Bernardo Atxagaren hareazko herri garela kontzeptura. Abiadura bizian doan gizarte eraldaketan, aldiz, haririk gabeko transmisioan doan herri bihurtzen ari garela azpimarratu nahi du ikuskizun honek. Horixe bera baita ikuskizun honen xedea, euskal kantagintzaren transmisioaz hausnarketa egitea.
Lauro Ikastolako DBHko 4. mailako ikasleek hainbat herri kanta ikasi dituzte Itsaso Arrieta euskal kantu irakaslearen gidaritzapean. Euskal kantuen barneko kontu unibertsalen eta imajinario kolektiboen konexioak harilkatuko dituzte 15-16 urteko gaztetxoek eta ikusleen aurrean kantuz eta kontuz aurkeztuko dituzte.