Menu
MIRA HADI.
PRODUKZIOA
Sinopsia
Argazkilaritzari buruzko hitzaldi bat ematera doa aditu bat (Maria Urcelay). Haren ondoan musikari batek (Lide Hernando) soinu banda jarriko dio berbaldiari.
Milioka selfie ateratzen diren saio honetan, gure memoria bisuala nola osatu den kontatuko eta kantatuko digute taulen gaineko bi sortzaileek.
Eulalia Abaituaren bizitzaren pasarte esanguratsuak eta batez ere bere argazkirik ikusgarrienak izango dira istorio honen mamia.
Nola begiratzen zion gizarteari Abaituak, zer enfokatzen zuen eta zer ondare utzi digun baliogarriak izango dira gogoeta egiteko.
Publikoari begira, laugarren horma puskaturik, protagonistek emakume aitzindari honen gorazarre plazaratuko dute. Ezinbesteko memoria ikusaraziko digute.
Argazkigintzan aitzindaria
Argazki etnografikoaren sortzaile aparta eta teknikan berritzailea. Bidegile nabarmena. Ikuskizun honetan haren bizitza puskak kontatuko ditu begirada garaikide baten bitartez. Gure memoria bisualaren artisau ezinbestekoa izan baitzen. Haren argazkiak izango dira dramaturgiaren protagonistak.
EKOIZPEN ARTISTIKOA
Ikuskizun honek hiru osagai artistiko uztartzen ditu: ikus-entzunezkoak (Eulaliaren irudiak), teatroa eta musika.
Proiektuaren osagarriak:
- Argazkilariaren bizitzaren narrazioa eta kontaketa.
- Argazkilariaren irudiak, arte bisual bihurturik.
- Kantugilearen kanta berriak memoriari jarriak.
Protagonista: EULALIA ABAITUA eta HAREN SORMEN BISUALA
Xedeak: emakumeen historia ahalduntzea eta ikustaraztea. Gure memoriaren garrantzia aldarrikatzea.
Fitxa artistikoa
Gidoia: Patxo Telleria
Musika sormena: Maite Larburu
Zuzendaritza: Getari Etxegarai
Aktorea: Maria Urcelay
Musika eta kantua: Lide Hernando
Ikus-entzunezkoak – arte bisualak: Alphax
Argi-diseinua: Arantza Flores
Ekoizpen taldea
LORALDIA KOOP. ELK. TXIKIA
Zuzendaritza artistikoa: Imanol Agirre
Ekoizpena: Aitor Narbaiza
Komunikazioa: Amaia Ocerin
Kudeaketa: Mikeldi Uribe-Etxebarria
Eulalia Abaituaren argazkilariaren bizitza aitzindaria ez da ezaguna. Bilbotik Liverpoolera abiatu zen eta Ingalaterran argazkilaritza deskubritu zuen. Argazki etnografikoaren sortzaile aparta eta teknikan berritzailea. Bidegile nabarmena. Ikuskizun honek haren bizitza puskak kontatuko du begirada garaikide baten bitartez. Gure memoria bisualaren artisau ezinbestekoa izan baitzen.
Bizitzaren pasarte nabarmenenak:
- Bilbon jaio zen, 1853an, XIX. mendearen erdialdean.
- Bartzelonan ikasi zuen.
- Nerabe izanik Liverpoolera abiatu zen familiarekin.
- Giza interesa zuen sortzailea.
- Herri xehea eta eguneroko bizitza jarri zituen ikusmiran.
- Euskal usadio zaharrak eta festak bildu zituen irudietan.
- Emakumeak izan zituen ikusmiran.
- Gure herrien irudi kronista: Bilboko itsasadarra, Lekeitio, Mundaka, Ondarroa, Donostia, Arratia…
- Bidaia-argazkiak ere burutu zituen: Italia, Venecia, Marocco, Lourdes, Malaga, Madril, Creta…
- Plaka estereoskopikoekin euskal argazkilaritza berriztu zuen.
- Argazkilaritza antropologikoaren ordezkari bikaina.
- Historia egin zuen: lehen emakume argazkilaria.
- 1943an hil zen Bilbon, 90 urtekin.
Previous
Next
LANTALDEaren Argazkiak
AGENDA. PRODUKZIOAK
Kargatzen...
Loraldia produkzioaken bideo guztiak
Loraldia Produkzioak
7 Videos
