2019an betetzen da Lehen Mundu Bira espedizioaren irteeraren 500. urteurrena. Hona hemen ezinezko bidaia historiko haren gertaeretan oinuarrituriko teatro-lana.
Ekoizpen-mota: Musika eta teatroa.
Produkzioa: Loraldia Kultur Elkartea.
Gidoia: Patxo Telleria
Eszena zuzendaria: Karlos Panera
Artistak: Iñigo Aranburu, Xabi Ortuzar, Ainara Ortega eta Nerea Alberdi
Juan Sebastian Elkano itsasgizona azken orduetan dago. Ozeano Barearen erdi erdian sukar-ametsetan nabigatzen gogora ekarriko ditu lehen mundu biraren gertaerak, ondoan duen Barakaldoko itsasmutilaren laguntzarekin.
Gorriak ikusi zituzten hiru urteko ezinezko bidaia hartan. Sevillatik bost nao itsasoratu ziren eta bakar bat itzuli zen: Victoria izenekoa. Itsasontzi hau Ondarrun burutua zen, bost itsasontzi haietatik hiru euskaldunak bitziren. Gainera, Lehen Mundu Bira bete zituzten 18 marineletik 4 euskaldunak ziren: Juan Sebastian Elkano kapitainaz gain hiru bizkaitar.
Espeziak, Patagoniaren itsasartearen aurkikuntza, gosea, Magallanesen heriotza, matxinadak, konkistak… Mundua biribila dela frogatzen duen lehen bidaia. Berpizkundearen hasiera. Baita XVI. mendeko Euskal Herria itsastarra aldarrikatzen duen istorioa ere.
Teatro-lan honen eszena aktoreen interpretazioak eta musikak osatzen dute.
Alde batetik, hiru aktorek bakarrizketen bidez istorioa kontatuko dute.
Beste aldetik, musikari bik antzezlanaren soinu banda jarriko du: musikaraia eta kantaria.
Soinu bandari dagokionez esan, XVI. mendeko giroa islatu nahi dugula, garaiko baladen bidez. Euskal balada historikoak ditugu teatro-lan honen ardatz ikusgarria. Biolina izango da balada hauen lema.
Teatro-lan hau ez da Loraldiaren aurreneko ekoizpena. Loraldiak kultur industria sustatzeko du helburu eta honen ondorioz hainbat ekoizpen plazaratu du azken lau urte hauetan.
2018an “Anton Abbadia. Dublinetik Hendaiara” antzezlana estreinatu genuen udaberriko festibalean. Formatu txikiko ikuskizuna, non musika eta interpretazioa uztartzen diren. Bide beretik dakar “Mundubira. Elkano, Primus” ekoizpen propioa.
Beraz, formatu txikiko antzerkia da non musikak espazio nabarmena hartzen duen.
Teatro-lan honek transmisioa du helburu. Euskal Herriko historia ezagutaraztea ezinbestekoa dela gure uste apalean.
Hori dela eta, teatro lanak jende gazteari begira jarri da. Ikasleentzako emanaldiak antolatuko dira eta hauekin batera gida pedagogiko bat argitaratuko da.
2019ko martxoaren 22an, ostiralarekin, Euskalduna Jauregian estreinatu da. Loraldia Festibaleko ekoizpena da.
Sormen honek hiru formatu eskainiko ditu:
Iñigo Aranburu Juan Sebastian Elkano
Xabi Ortuzar Juan de Zubileta, itsasmutila
Ainara Ortega Kantaria
Nerea Alberdi Musikaria
Patxo Telleria Dramaturgia
Karlos Panera Eszena zuzendaria
Erre-Maskarada Eszena eta argiztapena
Xanpe Soinua
Ander Berrojalbiz Musika Aholkularitza
Xabier Alberdi eta Julian Diaz Historia aholkularitza
Ekoizpena Aitor Narbaiza (Loraldia)
Komunikazioa eta hedapena Amaia Ocerin (Loraldia)
Irudia Unai Molina (Loraldia)
Administrazioa Mikeldi Uribe Etxebarria (Loraldia)
Koordinazioa Imanol Agirre (Loraldia)
Babesleak Eusko Jaurlaritza Elkano 500 Fundazioaren eskutik
Mundubira, Elkano Primus kartela, 2019
