Ruper Ordorikaren Hautsi da anphora lehen diskoa berreskuratuko du Loraldia Festibalak
- Hautsi da anphora Loraldia Kultur Elkarteak eta Korrika Kulturalak elkarlanean egindako produkzioa da, eta Ruper Ordorikaren lehen diskoa berreskuratu du.
- Martxoaren 11n Bilbon eskainiko da, Loraldia jaialdiaren barruan eta Korrika Kulturalaren biraren barruan. Bira honetan Euskal Herriko sei herritatik igaroko da. Ruper Ordorikarekin batera, Mugalaris banda eta Bernardo Atxaga izango dira taula gainean.
- Kontzertu honen ekoizpena Loraldia Kultur Elkartearen ideiatik abiatu da, Hautsi da anphoraren kaleratzearen 40. urteurrena gogorarazteko ekitaldi berezi bat egin nahi zuela Loraldia festibalean. Ruper Ordorika konbentzitu ondoren, pandemiak une horretan martxan jartzeko planak eten zituen. Eta aurten arte ezin izan da ekitaldi honen ekoizpena eta bira antolatu.
Hautsi da anphora kontzertua Loraldia Kultur Elkarteak eta Korrika Kulturalak elkarlanean egindako emanaldia da. Lankidetza horren emaitza 1980ko Ruper Ordorikaren Hautsi da anphora diskoa berreskuratzea eta Euskal Herriko zenbait tokitan bira bat egitea izango da. Bira honetako geldialdietako bat Loraldia jaialdiaren baitan izango da eta martxoaren 11n Euskalduna Jauregian aurkeztuko da.
Hautsi da anphora, Ruper Ordorikaren karrera musikan hasteaz gain, mugarri izan zen euskal kulturaren testuinguruan.
Loraldia Kultur Elkartearentzat oraindik indarrean jarraitzen du lan hark ekarri zuen berritzeko eta apurtzeko espirituak, eta arrazoi horrek bultzatu zituen sustatzaileak Ordorikari proposamena egiteko: Hautsi da anphoraren aurkezpenaren 40. urteurrena ospatzeko lan hori berreskuratu eta, ikuskizun gisa, gaur egunera ekartzea.
Baina pandemiak bidean harrapatuta, orain arte ezin izan da produkzioa eta bira antolatu.
42 urte geroago, Hautsi da anphora itzuli da, espiritu berarekin eta begirada egungo testuinguruan jarrita.
Hautsi da anphoraren kontzertua eta biraren proiektua
Hautsi ha anphora berreskuratzea eta ikuskizun gisa eskaintzea hiru urte baino gehiagoz gauzatu den proiektua da.
Loraldia Kultur Elkartearen ideiatik sortu zen, diskoaren 40. urteurrena gogoratzeko Loraldia festibalaren baitan ekitaldi berezi bat sortzearen asmoarekin. Ruper Ordorika konbentzitu ondoren, pandemiak une horretan martxan jartzeko planak eten zituen.
Eta aurten arte ezin izan da ekitaldi honen ekoizpena eta bira antolatu.
Zorionez, 2022an Korrika ospatuko da eta, Korrika Kulturalaren eta Loraldia Kultur Elkartearen arteko lankidetza hitzarmenari esker, Hautsi da anphoraren urtemuga berreskuratu eta Euskal Herriko hainbat herritan eskaini ahal izango da.
1980an argitaratutako diskoa osatu zuten hamar kantuak eztanda handia izan ziren garaiko testuinguru kulturalean. Gaur egun oraindik ekarpen handia egin behar duten abestiak.
Horregatik proposatu zion Loraldia Kultur Elkarteak Ruper Ordorikari lan hori berreskuratzea eta zuzeneko ikuskizun batean gogoratzea.
42 urte geroago, Hautsi da anphora agertokietara itzuliko da.
Ikuskizun honetan, Ruper Ordorika eta Bernardo Atxagarekin batera, Mugalaris banda igoko da oholtzara, Bixente Martinez gitarran eta mandolinan (lehen ere parte hartu zuen); Arkaitz Miner, gitarra, mandolina eta biolina; Fernando “Lutxo” Neira, baxua eta kontrabaxua; Hasier Oleaga, bateria.
Loraldia Kultur Elkartea da ekoizpenaren arduraduna.
Birari dagokionez, Hautsi da anphora Korrika Kulturalaren parte da eta horri esker Euskal Herriko sei lekutan eskainiko da:
SENPERE martxoak 6. 17:00 Larreko Antzokia
IRUÑEA martxoak 10. 19:30 Gayarre Antzokia
BILBAO martxoak 11. 20:00 Euskalduna Jauregia
EIBAR martxoak 20. 19:00 Coliseo Antzokia
GASTEIZ martxoak 25. 19:30 Principal Antzokia
ORERETA martxoak 27. 19:30 Lekuona udal kultura fabrika
Hautsi da anphora diskoa
1980an Pott Banda desegin zen urte berean, Ruper Ordorikak Hautsi da anphora diskoa argitaratu zuen. Lan honetako abestiak Bernardo Atxagak Etiopia bere lehen liburuan argitaratutako testu batzuetan oinarritu ziren. Ruper Ordorikak poema haietako batzuk
musikatu zituen eta Hautsi da anphora argitaratu zuen, bere ibilbide musikalari hasiera emanez.
Lan hau berehala bilakatu zen mugarri euskal musikan. Gai haiek zeru berri bat ireki zuten euskal kultur horizontean. Gure sormena iraganarekin hautsi zen eta etorkizunera begiratzen hasi zen.
Xoxoa diskoetxea arduratu zen lana argitaratzeaz. Bernardo Atxagaren testuekin osatua, hamar kantu atera ziren.
1. Hi hintzena
2. Herdoilarena
3. Kalatxoriena
4. Esploradorearena
5. Sagarrondo bati seaska kanta
6. Bertso berriak
7. Begira egiezu
8. Esparta Liliput
9. Fas fatum
10. Zenbait bertso xelebre
Disko horretan Josu Zabalak, Bixente Martinezek eta Angel Celadak hartu zuten parte, besteak beste.
Azala Juan Carlos Eguillorrek diseinatu zuen eta Bilboko eraikinen collage bat zuen.
Elkar diskoetxeak 2022an argitaratu du berriro.
