– EUSKAL KULTURA GAUR –

IZENA EMAN

LORALDIA SORMEN DIGITALERAKO BEKA DEIALDIA: HIRUGARREN EDIZIOA

Beka honen helburuak euskarazko sorkuntza digitala sustatzea eta sortzaile digitalen lana ezagutzera ematea eta ingurune digitalean euskarazko eduki gehiago egoteko aukera eskaintzea dira.

NORI ZUZENDUA

Edozein sortzaile euskaldun aurkez daiteke (Loraldia Festibala euskaraz burutzen den kultura sustatzailea da).

XEDEA

Ekinaldi edo produktu digital bat sortzea.

Proposamena digital eremuan kokatu behar da eta espazio fisiko batean eskaintzeko aukera izan dezake, baina ez derrigorrez.

OINARRIAK

Hemen sakatu beka deialdi honen oinarriak ikusteko.

EZAUGARRIAK

Ekinaldiaren proposamen artistikoa ahalik eta zehatzen deskribatzen duen dokumentu bat aurkeztu behar da.

Jatorrizko sormen lana izan behar da.

Kultur sorkuntzaren barruan arlo guztiak onargarriak dira: musika, arte eszenikoak, arte plastikoak, dantza, komikigintza, bertsolaritza, gastronomia, rol jokoak, Interneteko baliabideak, audioa …

 

Aurkez daitekeen proposamena diziplina bat edota diziplinen arteko uztarketa izan daiteke. 

Beka honek bi urrats ditu: sorkuntza lana bera eta sorkuntzaren emaitza, 2026ko hasieran aurkeztea, Loraldia Festibalaren baitan edo aparteko ekintza gisa.

 

Lana aurkezterakoan kontuan izan:

  • Proiektuaren helburua, esan bezala, euskarazko eduki eta baliabide digital bat sortzea da. Ingurune digitala izan behar du proiektuaren zergatia, euskarria, baliabide nagusia. Hau da, helburua ez da proiektu analogiko baten digitalizazioa, baizik eta beren beregi ingurune digitalerako sortutako egitasmoa izan behar da.
  • Jatorrizko sormen lana izan behar da.
  • Ekinaldia digitala edo areto batean erakustekoa izan daiteke. Baina ez da beharrezkoa ikuskizun, ekinaldi, ekitaldi eta abar presentziala sortzea.
  • Hitzak barne dituen sormen lana bada, euskaraz izan behar da.
  • Sorkuntza lana bera eta emaitza nola plazaratuko den jaso beharko dira aurkezten den proposamenean.

DATA ESANGURATSUAK

Aurkezteko lehen eguna: 2024ko irailaren 10a.

 

Aurkezteko azken eguna: 2024ko urriaren 18a.

 

Bekaren hiru egitasmo finalisten aurkezpenak: 2024ko urriaren 29-31 artean.

 

Ebazpena egiteko epea eta interesatuei komunikatzea: 2024ko azaroaren 11a.

 

Ebazpena publiko egitea: 2024ko azaroaren 14a.

 

Beka irabazleak 12 hilabete (2024ko abendutik 2025eko abendura) izango ditu proiektua martxan jartzeko. Loraldiak baliabideak jartzeko konpromisoa hartuko du, sortzailearekin akordio (aurrekontua eta kultur edukiak zehaztuz) bat sinatu ondoren.

Loraldia Sormen Digitala Beka - 3. edizioa (2024)

PROIEKTUAREN TXOSTENEAN JASO BEHARREKO INFORMAZIOA

Eskatzaileek Loraldiak zabaldutako inprimaki digitalaren bidez parte hartuko dute deialdian.

 

Inprimaki horretan eskatutako informazioa dagozkien eremutan jasotzeaz gain, proiektuaren azalpena bilduko duen dokumentua erantsi beharko dute.

 

Dokumentu horrek honelako baldintzak eta ezaugarriak bete beharko ditu:

  • Gehienez ere 10 orri izango ditu.
  • Testua Arial tipografian idatzita egongo da, 12 puntutako tamainan.
  • Edukia: proiektuaren azalpenean puntu hauek azalduko dira:
    1. Proiektuaren deskribapena eta sinopsia, hala badagokio
    2. Zein modutan betetzen dituen deialdiak ezarritako bi helburuak
    3. Lantaldea: parte hatzaileen curriculum vitae laburra
    4. Helburuak eta motibazioa
    5. Lantzen dituen diziplinak
    6. Zein publikoari zuzenduta dagoen
    7. Nola gauzatuko den
    8. Garapenaren plangintza
    9. Aurrekontua
    10. Behar teknikoak

IZENA EMATEKO

Deialdiari erantzun eta parte hartzeko, interesatuek honako inprimakia bete behar dute.

Sartu inprimakian parte hartzeko.

AURREKO EDIZIOAK

BIGARREN EDIZIOA (2023)

Loraldia Sormen Digitala Beka - 2. edizioa (2023)

LEHENENGO EDIZIOA (2022)

Loraldia - sormen digitala beka

ERLAZIONATUTAKO ALBISTEAK
Esperientzia Digitala

BOZAK22

Euskal eszenaren unibertsoan biztutako bi ahots berri izan genituen tauletan. Kantak eta solasaldiak. Sortzaile biak ezagutzeko aukera ezin hobea. Musikari dagokionez, kantariak akustikoan arituko dira eta kantuen artean Maddalen Arzallusek gidatuko du solasaldia.

IKUSI >
Esperientzia Digitala

BOZAK

Euskal eszenaren unibertsoan biztutako bi ahots berri izan genituen tauletan. Kantak eta solasaldiak. Sortzaile biak ezagutzeko aukera ezin hobea. Musikari dagokionez, kantariak akustikoan arituko dira eta kantuen artean Maddalen Arzallusek gidatuko du solasaldia.

IKUSI >
Esperientzia Digitala

ERRIMAK BI OINETAN

Dantza eta bertsoa gurutzatzen den lekuan hasi zen sormen honen bidaia. Bertsoari mugimendua eman diote eta gaurkotasunari buruzko gogoetak plazaratzeko asmoarekin etorri zen Haatik Konpainia. Garai bateko, gaurko eta emanaldirako sortutako bertsoekin osatutako ikuskizun berritzailea da

IKUSI >
Loraldia - sormen digitala beka
Experiencia digital

1go edizioa (2022)

Loraldiak sormen digitaleko beka baten deialdia egiten du. Beka honen helburuak euskarazko sorkuntza digitala sustatzea eta sortzaile digitalen lana ezagutzera ematea eta ingurune digitalean euskarazko eduki gehiago egoteko aukera eskaintzea dira.

IKUSI >