TETUAN FILMA (MAKING OF)

“Tetuan” Iratxe Fresnedaren hirugarren film dokumental luzea da. “Irrintziaren Oihartzunak” eta “Lurralde Hotzak” filmekin hasitako erregistro eta oroimenaren inguruko filmen trilogia osatuko du.

“Tetuan” pertsona migratzaileei buruzko filma da, non zinema, familia istorioak eta memoria, igaro leku eta nebulosa bezala batzen diren. Annemarie, Carmelo, Irina eta Mohamedek dantza, argazkilaritza eta bizitza istorio baten protagonista izango dira.

Film hau martxoan estreinatuko da Bilboko Loraldia Festibalean. Arrigorriagan zuzendariak kontatuko digu nola filmatu duen (making of) eta lehen irudiak ikusteko aukera izango dugu. Kontuan izan proiektu hau Cannes Zinemaldiko  Marché du Filmen espainiar zinemako hamar promesen artean aukeratua izan zela.