Zaratamo - Arrigorriaga 2023

“Tiriki tauki tauki mailuaren hotsa, hamasei harri lantzen ari da Oteiza”, idatzi zuen Bitoriano Gandiagak poema eder batean.

Kultura mailua da, gure izaera zizelkatzen duen mailua. Oteizak bilatu zuen bezala gu ere euskal arimaren bila abiatu gara.

Iaz bezala, Zaratamon hasi eta Arrigorriagan jarraituko du Loraldia honek. Plazarik plaza, kolpez kolpe, ari gara gure sorkuntza garaikidea taularatzen.

Kulturak barrenak astindu behar ditu, ezin da autokonplazientea izan. Hona hemen gure arrisku-kolpeak.

Tradiziotik abiatzen den dantza garaikidea, emakume boz ozenak, argazkilari bidegile baten oroimena, bertso berriak kale-jarrerei jarriak eta Frankestein, besteak beste, helduko dira udazkeneko festibal honen aterpera. Bigarren hau eraikuntza ere bada. Korapilatzen joango gara, gure nortasuna osatzen duen zirrara-kolperi esker.

Olatz Salvador, Maialen Errotabehere, La Basu, Osterabe, Lide Hernando, Maria Urcelay, Getari Etxegarai, Alphax, Eulalia Abaitua, Aukeran Dantza Konpainia, Igor Elortza, Rafa Rueda, Petti, Ana Galarraga, Mikel Garaizabal.